قصه حياه ايلون ماسك

هات كوباية الشاي اللذيذة وتعالى احكيلك حكاية..

 كان في طفل صغير في كندا أهله كانوا شايفينه غريب الأطوار، طفل دايماً ساكت ولا يتكلم مع أحد ولا حتى له أصدقاء.. لكنه كان مصاحب الكتاب، دودة كتب حرفيا لدرجة انه خلص كل كتب المكتبة اللي في منطقته فأمين المكتبة حب يعطي موسوعة كاملة له، مرة واحدة كوجبة دسمة تُشبع نهمه للقراءة.. واهو بالمرة يستريح منه لفترة طويلة ،  فاعطاه موسوعة..

المفاجأة أن الطفل المتميز انتهى منها وقرأها كاملة في أقل من اسبوع والموضوع عجبه جدا وأحس أنه لا يزال محتاج كتير وفايته كتير.

بعدين صاحبنا في سن ال١٥ عجبته لغات البرمجة فبدأ ببرمجة اول لعبة اسمها blaster وراح بايعها ب٥٠٠ دولار، متخيلين الدماغ.. برمجة وتجارة وتسويق وبيع ومكسب وعمره 15   

بعدين عمنا المبرمج التحق بجامعة بنسلفانيا الأمريكية ودرس الفيزياء ولما اتخرج كان في موقف كتير من حضراتكم، الي هو  أكمل دراسات عليا ولا اشتغل ولا اتوظف، لكنه قررر أنه يعمل ماجستير في الفيزياء في ستانفورد  لكن بعد اول شهر له توقف.. وقرر إنه مش هيكمل ووجد إن ريادة الأعمال هي اللي ممكن تتوافق مع قدراته ومهاراته وتمنحه تصور لمستقبله ..

إيلون عجبته جدا فكرة الانترنت واللي كانت لسه في بدايتها فبدأ هو واخوه كامبل اول شركة ليهم في تداول العملات عن طريق النت والشركة دي كان اسمها X.COM واللي اتباعت بعد كده وبقي اسمها PayPal الغنية عن التعريف..

في هي هذه الفترة، ماسك كان لا يملك اي فلوس كان حرفيا بادئ من الصفر ومأجر شقة هو واخوه وبيبرمجوا الموقع من لاب توب واحد فقط بالتناوب. ايلون شغال عليه بالليل واخوه شغال عليه الفترة التانية...  ياريت نسلم علي الاعذار والشماعات والبكاء في انتظار الظروف المثالية....

وبعد ما عمنا ايلون ماسك باع الشركة، طبعا كسب مبلغ كبير جدااا وانضم لنادي الاغنياء وهو في اخر العشرينات متخيل صاحبنا مليونير في اخر العشرينات طب ايه يكمل ولا يتقاعد مبكراً،  ماهو خلاص عمل خميرة تدفيه في جزر المالديف ويعيش حياته في رغد😅

ايلون ماسك، عمل الخميرة وجري بها ورا شغفه وحلمه .. سامعك ياللي بتقول الفيزياء والفضاء والكواكب...وفعلا أسس شركة فضاء بتعمل علي ايجاد حياة في كواكب اخري لان ايلون، مقتنع تماماً بفكرة ان لو مستقبلنا كله في كوكب الارض، فقط هيكون مستقبل ممل جداا..

في بداية 2001 ايلون طار مع اخوه لشركة للصواريخ في روسيا، لكي يقوم بعمل صفقة لشراء صواريخ لانها كانت اشهر مكان ممكن يسافر لها. طبعا كلهم استهزأوا بيه واعتبروه امريكي جاي يضيع وقته ورفضوا العمل معاه..

ايلون يبطل وفكر ان دي نهاية المطاف. بالعكس، وهما راجعين في الطيارة بدأ قراءة كتب عن الصواريخ وتاسيسها وكيفية عملها وبعد 6 شهور من النكسة الاولى ايلون اسس سبيس اكس 

سبيس اكس مرت بمراحل فشل كتير متخيل شركة فضاء ستارت اب بتنافس ناسا كل الفريق والتصنيع بيشتغلوا في نفس المكان، اخفاقات اكثر من 3 مرات يطلقوا الصواريخ وفي الاخر تنفجر بعد ثواني من اقلاعها وتتساقط كأوراق الشجر المحترقة، كل ده وايلون بيشوف الي يحصل وبعد كل مرة بيرجع بنفس الشغف يحاول تاني كل فلوسه خلصت واستلف فلوس كتير جدا، لكي يُطلق المحاولة الرابعة واللي في الاخر نجحت. ايلون في لقاء اتسأل هو لو محاولتك الرابعة كانت فشلت كنت هتكمل ولا لأ...قال جملة المفروض كلنا تبقي حكمة حياة لينا "انا لا استسلم ابدا.. اما الموت او احقق مرادي.

2008 كانت اصعب سنة في حياة ماسك الي كانت فيها المحاولة الرابعة وكمان كانت فيها شركته التانية تسلا الي قرر انه يشتريها لانه بيحلم بمستقبل سياراته الكهربائيه, كانت تسلا في 2008 بتنهار وعلي وشك الافلاس الي ان تم ضخ استثمار لايلون قدر بيه يعيد تسلا للحياة مرة اخري.

ايلون في بدايته مكنتش حياته وردية بالعكس بجنب كل المشاكل الي حكينا عنها دي حيتان الwall street  شنوا عليه حرب لكي يدمروا اسهم شركاته وبالفعل نجحوا وتسلا كانت هتضيع.

حضراتكم تهتوا مننا ولا ايه..

بعد ما تسلا وسبيس اكس انتعشوا وبدأت امبراطورية ماسك تصبح اقوى، ايلون لم يسكت.. بدأ بمحاولات لحماية الكوكب فبدأ solar city لصناعة وانتاج ألواح الطاقة الشمسية وبنصف تمنها المعتاد. ومش بس كده ايلون قدم شركة نيورلينك الي بتربط دماغ البشر بالإنترنت وبالتالي يبقي اقوي واذكي من اي الالة اصطناعية وبالفعل اخد موافقة FDA للبداء في التجارب علي البشر. نتفق أو نختلف على القيام بمثل هذه التجارب.. لكنه يُحلق بعقله وخياله وابداعه في منطقة تانيه خالص..

وطبعا كلنا عارفين مشاكل الانترنت في العالم وانه بطئ وغير متاح في أماكن كتير، فبدأ شركة ستار لينك الي بتعمل علي تطبيق فكرة الانترنت الفضائي وبسرعات خيالية.